Leiðindarástand

 Hér er nú meira leiðindarástandið. Litla lúsin er enn lasinn og var sendur í röntgen i dag til að athuga hvort hann sé með lungnabólgur. Samkvæmt blóðprufu er hann með bakteriusýkingu en það er ekki vitað hvort þetta er s.s. lungnabólga eða efri öndunarfærasýking.  Sá stærri sonur var með ælupestina i gær og náði að subba talsvert út. Var hugrakkur og fór í sturtu en varð bara að fara  i "mjög snöggt bað" því hann notaði mestan tímann í að lesa spár í klósettskálinni.

En hann var mjög hress i dag og ekki var það verra að hann þurfti ekki í skólann.
Kleinan er alveg bakk af kvefi og sefur lítið á næturnar og aldrei þessu vant er kleinan búin að vera með hita í 4 daga og étur verkjatölur eins og brjóstsykur. Því kleinan hefur þann leiða ávana að fá hitaóráð og vera einskins nýt þegar hitinn gleypir hana.

'Astarpungurinn er ennþá með mótstöðuafl á móti bæði kvefi og alupest og er kleinan að vona að hann sleppi. Hann notar allan sinn auða tíma í að smíða og smíða og erum við að vona að þessu verkefni fari nú að ljúka. Jæja nú þarf kleinan að þjóta á foreldrafund og harka sér í gegnum það með litlu lúsina með því ekki getur hann af mömmu sinni séð.
Yndisleg og skilyrðislaus ást verður þetta að kallast, því í hans augum er ekki til betri kvenlufsa í þessum heimi en kleinan, .